السلام عليكم ورحمة الله وبركاته
نقلا من الفيس بوك للغاليه " Doola Ali "
جده عروس البحر مـدري عذابـه
فــي ثوبـهـا قـصــة دمـــوع الـحــواري
... بالامس مبتله بقطـر السحابـه
لـيـن اختـلـط لــون المـطـر بالمـجـاري
واليوم محروقة جسد .والغرابه!!
مـازال ثـوب الحـزن،، منظـر حضـاري
تلـحـفـت ثـــوب الألـــم والـكـآبــه
تصرخ ( عسى من هو يـرد اعتبـاري)
ياصاحـبـي هــل للمسـائـل اجـابـه
لامــات طفـلـة،، وش يـفـيـد اعـتــذاري
تموت شمعه،، لاجل عين الغلابه
وتطيـح دمعـة،، مـن عـيـون الـعـذاري
في مدرسه صارت حطام وخرابه
ذكرى،، جسدها من عنـا الظلـم عـاري
غدير نادت ريم !! باقي مصابـه!؛
طفلـه،، يحاصـرهـا اللهيــب الـحـراري
ياأستاذتـي!! يامعلمتنـي الكتابـه!!
أشوف باب المـوت ،، مخـرج طـواري
وجه الحبيبه ،،من يعوض غيابه
ومـن هـو يعـوض حرقتـي وانكـسـاري
ماتت ويحضنها الوطن في ترابـه
وغـابـت وسـالـت بالـدمـوع الـحـواري
قولـوا لمـن يفهـم لحضـرة جنابـه
تــرى الـمــدارس سـيـئـة وانـــت داري
والوضع مزري والمبانـي معابـه
واسوارها تصرخ : ( كرهت انتظاري)
بين المطر والنـار وجـه التشابـه
والـنـور ظـلـمـه والـصـعـود انـحــداري
اخــر ضحـايـا موطـنـي لاغـرابـه
اطـفـال يحضـنـهـا اللهيـــب الـحــراري
واكبـر مثـل للتضحـيـة والمهـابـة
غــديــر كـتــوعــه وريـــــم الـنــهــاري
ليست هناك تعليقات:
إرسال تعليق